Un álbum de Eric Carle que expresa de xeito sinxelo pero profundo o
verdadeiro valor da amizade.
Compartían xogos, bailes e confidencias ata que a distancia os separou.
Mais non houbo río, montaña, bosque, chuvia ou escuridade que impedise que
se volvesen atopar.
Cunha linguaxe sinxela e unhas ilustracións cheas de cor e expresividade,
este álbum é quen de conmovernos e transmitir profundas emocións e
sentimentos sobre o valor da amizade e do amor que supera ausencias e
obstáculos.
Unha obra perfecta para compartir que sorprenderá a lectores e lectoras e
que remata cunha particular nota autobiográfica do autor.
